A Realidade Aumentada

A realidade aumentada é un tipo de tecnoloxía que permite empregar compoñentes de carácter virtual en obxectos  e imaxes reais. Existen numerosos dispositivos e aplicacións que nos ofrecen a experiencia de interactuar con unha dimensión virtual e física combinada.

Entre as xeracións máis novas, o exemplo máis famoso foi o videoxogo de móbil "Pokémon Go", onde se presentan personaxes virtuais no mundo físico, a través da cámara do dispositivo empregado.

A realidade aumentada funciona como unha tecnoloxía multimedia, modelado 3D, seguimento e rexistro en tempo real dos obxectos, interacción intelixente e detección de imaxes, entre outras cousas. Coma todo, foi evolucionando a mellor co tempo, e moitas empresas interésanse cada vez máis en invertir nesta tecnoloxía para ofrecerlla aos seus consumidores. A finais do 2020 estimouse un total de 600 millóns aproximádamente de dispositivos con realidade aumentada activos e proxéctase que o número aumente en case 2 millóns para o próximo ano 2024.

Para os docentes é unha ferramenta útil para empregar na aula. Permite ver diferentes contidos coa simple lectura dun código e cunha aplicación, a través de tabletas. En infantil pode empregarse para ver contos, entre outras cousas.

En moitas ocasións o termo de realidade aumentada confúndese con realidade virtual, pero a realidade é que existen numerosas diferenzas entre ambas. 

Por unha banda, a realidade aumentada modifica a visión da propia realidade a través de entradas sensoriais que crea un dispositivo; e por outra banda, a realidade virtual emprega un software propio que crea un mundo virtual que substitúe ao mundo real.

Algunhas das características da realidade aumentada son:

• Superposición do mundo real e dixital: combina o mundo físico con elementos dixitais adicionais superposicionados que xera un dispositivo.
• Tempo real: a realidade aumentada permite ver o mundo físico en tempo real.
• Interacción en 3D: interactúase con elementos 3D, como obxectos por exemplo.

Pode dicirse que a realidade aumentada mellora a experiencia do usuario, facilita o uso de productos -os consumidores poden obter maior información sobre os productos que están a mercar-, favorece a interacción social e mellora a aprendizaxe.

Dúas aplicacións que se poden empregar coas crianzas son:

• "Quiver 3D": As crianzas poden pintar láminas de personaxes aos que posteriormente lle poden dar vida.
• Actionbound: Permiten crear cazas do tesouro con guías interactivas

Por aquí deixamos 2 páxinas web que desenvolveron proxectos educativos/ actividades empregando a Realidade Aumentada.

https://enmiauladeinfantil.blogspot.com/p/proyecto-viajamos.html

O proxecto é sobre unha viaxe polo mundo a traves da RA.

https://proyectos.uah-gipi.org/realidad-aumentada-en-educacion-infantil/

Neste proxecto traballan para coñecer a cultura exipcia a través da RA.

Unha actividade que nós quixemos eleborar foi un conto interactivo, no cal os nenos/as poidan interactuar coa historia, dándolle a opción de diversas escenas ou finais alternativos, coa aplicación "Zappar".